N o s L e o p o l d u s 

Dei Gratia electus Romanorum imperator semper Augustus ac Germaniae, Hungariae, Bohemiae, Dalmatiae, Croatiae, Sclavoniae, Ramae, Serviae, Galitiae, Lodomeriae, Cumaniae, Bulgariaeque etc. Rex. Archidux Austriae, Dux Burgundiae, Brabantiae, Styriae, Carinthiae, Carniolae, Marchio Moraviae, dux Lucemburgae, ac superioris et inferioris Silesiae, Wierthembergae et Thekae, princeps Sveviae, comes Habspurgi, Tirolis, Ferreti, Kyburgi, et Goritiae, Landtgravius Alsatiae, Marchio Sacri Romani imperii supra Anasum Burgoviae, ac superioris et inferioris Lusatiae, dominus Marchiae Sclavonicae, portus Naonis et Salinarum etc. Memoriae commendamus tenore praesentium significantes quibus expedit universis, quod nos cum ad nonnullorum fidelium nostrorum humillimam supplicationem nostrae propterea factam Maiestati, tum vero attentis et consideratis fidelitate et fidelibus servitiis fidelis nostri Nobilis Stephani Fejér, alias Bichkei, quae ipse sacrae primum regni nostri Hungariae coronae et deinde Maiestati nostrae pro locorum et temporum varietate fideliter exhibuit et impendit, ac imposterum quoque; se exhibere et impendere velle pollicetur. Cum igitur ob id, tum vero ex gratia et munificentia nostra regia, qua quosque de Nobis et Republica Christiana benemeritos, virtutisque colendae studiosos, antecessorum nostrorum divorum quondam Hungariae regum exemplo prosequi, eisque certa virtutum suarum monimenta, quae ad maiora quaequae praestanda, eos incitare possent, decernere cosuevimus. Eundem itaque Stephanum Fejér, alias Bichkei ac per ipsum fratres ejusdem germanos Gregorium, Joannem, Georgium et Michaelem similier Fejér, nec non Petrum Horváth aliter Csötörtökj , ac Stephanum Santa Érsekujvariensis, alterum item Stephanum Csaba, de Farnad, de Regiae nostrae potestatis plenitudine et gratia speciali eximentes, in coetum et numerum verorum atque indubitatorum regni nostri Hungariae et partium ei subjectarum nobilium duximus cooptandum, annumerandos et adscribendos. Annuentes et ex certa nostra scientia animoque deliberato concedentes, ut ipsi a modo imposterum futuris et perpetuis semper temporibus, omnibus illis gratiis, honoribus, indultis, privilegiis, libertatibus, iuribus, praerogativis et immunitatibus, quibus ceteri, veri, antiqui et indubitati fati regni nostri Hungariae et partium ei subjectarum nobiles, hactenus quomodolibet de iure vel consuetudine usi sunt et gavisi, utunturque et gaudent, uti, frui et gaudere possint ac valeant haeredesque et posteritates ipsorum utriusque sexus universae valeant atque possint. In cuius quidem nostrae erga ipsos exhibitae gratiae et clementiae ac liberalitatis testimonium, veraeque et indubitatae nobilitatis signum haec arma seu nobilitatis insignia. Scutum videlicet militare erectum coelestini coloris, fundum ejus viridi latepatenti campo, super quo integer leo naturaliter effigiatus, divaricatis posterioribus oblique sursum stare, ore patulo, ac lingua rubicunda exerta, caudaque bifurcata, ad dorsum elevata, anteriorum vero pedum sinistro ad rapiendum protenso, dextro autem planum gladium cum affixo Turcico capite sursum protendere, gradientique similis dextrorsum tendere visitur. Scuto incumbentem galeam militare craticulatam sive apertam regio diademate, ex eoque brachium humanum rubra manica indutum ac in vola evaginatam frameam fortiter tenens proferente ornatam. A summitate vero sive cono galea lacinys seu lemniscis hinc flavis et coelestinis illinc autem candidis et rubris in scuti extremitates sese diffundentibus, scutumque ipsum decenter exornantibus quemadmodum haec omnia in principio seu capite praesentium litterarum nostrarum pictoris manu et artificio propriis suis coloribus depicta esse conspiciuntur.Eidem Stephanus Fejér alias Bichkei ac per ipsum superius nominatim specificatis personis, ipsarumque haeredibus et posteritatibus utriusque sexus universis, gratiose danda duximus et conferenda. Decernentes et ex certa nostra scientia animoque deliberato concedentes, ut ipsi a modo imposterum futuris et perpetuis semper temporibus, eadem arma seu nobilitatis insignia more aliorum Regni nostri Hungariae et partium ei subiectarum nobilium, sub iisdem iuribus, praerogativis, indultis, libertatibus et immunitatibus, quibus ipsi vel natura vel antiqua consuetudine usi sunt et gavisi utunturque et gaudent, ubique in praeliis, certaminibus, pugnis, hastiludiis, torneamentis, duellis, monomachiis, aliisque omnibus et singulis ac quibusvis exercitiis, militaribus et nobilitaribus, necnon sigillis, velis, cortinis, auleis, annulis, vexillis, clipeis, tentoriis, domibus et sepulchris, generaliter vero in quarumlibet rerum et expeditionum generibus, sub merae vetustae ac sincerae nobilitatis titulo,quo eos ab omnibus cuiuscunque status, dignitatis, conditionis et praeeminentiae homines existant, insignitos et ornatos dici, nominari, haberique et reputari volumus et mandamus ferre, gestare, illisque in aevum uti, frui et gaudere possint ac valeant haeredes et  posteritates ipsorum utriusque sexus universae valeant atque possint. Immo nobilitamus, damus et concedimus praesentium per vigorem. In cuius rei memoriam firmitatemque perpetuam praesentes litteras nostras privilegiales secreto sigillo nostro, quo út Rex Hungariae utimur impen denti communitas. Eidem Stephanus Fejér alias Bichkej , ac per eum superius nominatis personis, ipsorumque haeredibus et posteritatibus utriusque sexus universis, iam natis et deinceps nascituris, gratiose dandas duximus et concedendas. Datum per manus fidelis nostri nobis syncere dilecti Reverendissimiin Christo Patre Domini Georgy Szelepcheny Archiepiscopi Ecclesiae Metropolitanae Strigoniensis locique ac Comitatus ejusdem sopremi et perpetui Comitis Primatis Ung. Ac Legati Nati, summi et Secretary, Cancellary ac Consiliary nostri intimi,, in civitate nostra Vienna Austriae , die Septima Mensis Augusti, Anno Domini  Millesimo Sexcentesimo Sexagesimo Sexto , regnorum nostrorum Romani nono, Hungariae et reliquorum undecimo , Bohemiae vero anno decimo Reverendissimis ac venerabilibus in Christo Patre domino praenotato Georgio Szelepcheny dictae Ecclesiae Metropolitanae Strigoniensis Archiepiscopis, sede Archiepispatus Colocensis et Bachiensis Ecclesiarum canonice unitarum vacansis , Thomas Palffy , ab Erdeöd , electo Agriensis Petro Petretich Zagrabiensis Episcopatu Nitriensis vacansis Georgio Bartony Varadiensis, Francisco Tolnay electo Transilvaniensis, Georgio Szelepcheny electo Jauriensis, Stephano Senniey de kys Sennye electoWesprimiensis, Fransisco Szegedy electo Vacziensis Hyacinto Marripodary electo Chianadiensis fratre Joanne Sali electo Zuringi ecclesiensis, epispatus Sirmiensis vacansis , Francisco Gorup eclecto Novensis, Joanne Smolinovich, eclecto Segniensis, et Modusiensis Epispatus Tininiensis vacansis M. B. electo Bosniensis, et Berdoczy electo Rosonensis ecclesiarum episcopis ecclesias dei feliciter gubernantibus. Item spectabilibus et magnificis, Comite Francisco Vesseleny de Hadad , dicti Regni nostri Hungariae Palatino, Comite altero Francisco de Nádasd , Iudice Curiae nostrae Regiae Comite Petro a Zrinio attactorum Regnorum nostrorum Dalmatiae Croatiae et Slavoniae Bano Comite Adamo Forgach, de Ghymes, Tavernicorum, Officio Agazonum vacante, Comite Nicolao Palffy de juris fata Erdeöd , Cubiculorum, Comite itidem Nicolao Draskovich, de I. ianitorum Comite Georgio Illeshazy, dapiferorum, officio pincernarum valante Comite Paulo Eszterhazzy, de Galantha , Curiae nostrorum Regalium in Hungaria Magistris ac memorato Comite Nicolao Palffy de praelibata Erdeöd , Comite Posoniensi, ceterisque quam plurimis annotati Regni nostri Hungariae Comitatus tenentibus et HONORES.                                                                                                                                                                                                   Leopoldus

Georgius Szelepcheny

Archiepiscopus Strigoniensis

Stephanus Orban